Opozita ka mbushur sot sërish Tiranën me mbështetësit e saj, për të protestuar kundër kryeministrit Edi Rama dhe qeverinë, për zgjedhje të lira me moton “E duam Shqipërinë si gjithë Evropa”.
Një detaj i ri gjatë protestës ishin balonat. 500 balona të bardha janë ngritur në qiell nga organizatorët e protestës, dhe të rinjtë demokratë.
Sikundër duket nga pamjet e ofruara nga “Tirana Today”, rreth 500 balona ku shkruhet “Rama ik” janë ngritur në qiell nga protestuesit e opozitës në Bulevardin “Dëshmorët e Kombit”.
Kjo është protesta e gjashtë kombëtare e opozitës, të cilët kanë nisur që në muajin shkurt.
