Në Ditën Botërore Kundër Tumoreve, PD i është bashkuar nismës së Unionit Ndërkombëtar për Kontrollin e Kancerit, e mbështetur nga Organizata Botërore e Shëndetësisë.
Partia Demokratike ka organizuar një marshim i cili nisi në orën 10.00 tek Piramida dhe pritet të përfundojë tek Ministria e Shëndetësisë, tek Rruga e Kavajës.
Me sloganin “E duam jetën, e duam veten”, përmes këtij marshimi, PD ka si qëllim të ngrejë zërin për të shpëtuar mijëra jetë njerëzish, duke i vetëdijësuar dhe edukuar ata që të bëjnë kontrollet e duhura, si dhe duke i kërkuar qeverisë të bëjë investimet e duhura për parandalimin dhe zbulimin e hershëm të kësaj sëmundjeje.
