Një tjetër tragjedi ka ndodhur në Irak për shkak të protestave antiqeveritare. 13 protestues kanë mbetur të vrarë ditën e diel në pjesë të ndryshme të Irakut.
Sipas “Free Europe”, 7 kanë mbetur të vrarë në provincën jugore të Basras dhe të tjerë në provincën e Nassiriyas. Një nga zyrtarët e lartë të qeverisë e ka quajtur këtë një e diela e zezë. Sipas tij, e diela shënon një nga ditët më të këqija për bilancin e jetëve të humbura që nga fillimi i tetorit.
Të gjithë protestuesit janë vrarë përgjatë përleshjeve me policinë.
Dronët turq vendosin pikat mbi “I”. Neutralizohen tre anëtarët e PKK-së në Irak
Kujtojmë se deri tani kanë vdekur rreth 342 persona që nga fillimi i protestave në muajin tetor dhe mijëra të tjerë kanë mbetur të plagosur. Ata protestojnë kundër korrupsionit dhe shërbimeve të dobëta publike.
Më herët në Basra, e cila njihet si prodhuesja më e madhe e naftës në vend, protestuesit dogjën goma në qendër të qytetit.
Komuniteti ndërkombëtar ka dënuar përdorimin e forcës nga policia irakiane kundër protestuesve, shkruan “Free Europe”.
