Kryeministri Edi Rama i mëshon fort kauzës së UÇK-së, si kundërpërgjigje ndaj gjykimit të ish-krerëve të UÇK-së me akuzën për krime lufte. Ai ka shpërndarë në Facebook rrëfimin e Gjylsere Berishës, e cila iu bashkua Ushtrisë Çlirimtare të Kosovës si mjeke.
Kreu i qeverisë tregon se ajo në luftë humbi vëllain dhe të afërm të tjerë. Kur në një nga betejat në një fshat të Prizrenit u vranë 13 djem të rinj, më i riu prej të cilëve ishte Shahadini 16-vjeç. “Liria ka emër”, një fushatë e tillë masive është organizuar pas arrestimit të ish-krerëve të UÇK-së nga Gjykata Speciale.
Statusi
Gjylsere Berisha ju bashkua Ushtrisë Çlirimtare të Kosovës si motër medicinale, për t’i shëruar plagët e ushtarëve.
Por, ajo e mori edhe armën. Në luftë, humbi vëllain dhe të afërm të tjerë. Mes lotësh, tregon kur në një nga betejat në një fshat të Prizrenit u vranë 13 djem të rinj, më i riu prej të cilëve ishte Shahadini 16-vjeç. Teksa rrëfen për gjenocidin e shtetit serb në Kosovë, ajo habitet me gjyqet e sotme për shokët e luftës. “E çfarë drejtësie është kjo?”.
