Legjenda e futbollit Diego Armando Maradona, i cili u nda nga jeta muajin e kaluar në moshën 60-vjeçare, kishte lënë në testament që të digjej. Por pas ndarjes nga jeta, 25-vjeçarja Magali Gil kërkoi t’i bëhej testi i ADN-së, duke pretenduar se babai i saj biologjik është pikërisht “Pibe de Oro”.
Vajza është shprehur se dy vjet më parë nëna e saj, i zbuloi se babai i saj mund të ishte Maradona. Sipas avokatit të Diegos, mostrat e ADN-së ekzistojnë, dhe për këtë arsye nuk është e nevojshme të zhvarroset kufoma. Dje, një gjykatë në Argjentinë vendosi që trupi i Diego Armando Maradonës nuk mund të digjet, sepse nevojitet për të kryer një test atësie.
