Aktori Reshat Arbana nuk ka asnjë problem shëndetësor, dhe ndodhet pranë familjarëve të tij. Ndonëse shumë u aludua në lidhje me gjendjen e tij shëndetësore, aktori konfirmon se të gjitha janë zëra dashakeqë, dhe se nuk ka asgjë të vërtetë. Sot qarkulloi lajmi se aktori i skenës shqiptare Reshat Arbana, po kalonte një gjendje jo të mirë shëndetësore.
“Fax News” ka kontaktuar me aktorin, dhe ky i fundit ka bërë të ditur se jo vetëm që nuk është e vërtetë diçka e tillë, por edhe është çuditur me lajmet që kanë qarkulluar për të.
Z. Arbana si jeni? Mora vesh nga rrjetet sociale një lajm për gjendjen jo të mirë shëndetësore nga ana juaj. Është e vërtetë, si ndiheni tani?
“Jo, nuk është e vërtetë aspak, jam shumë mirë. Tani jam në makinë, në Bulevard. Më tha djali për këto lajme, ça janë këto lajme aman. Të faleminderit shumë për shqetësimin, por jam mirë, nuk e di nga se ka dalë ai lajm”.
