Xhudistja kosovare Distria Krasniqi ka triumfuar në Lojërat Olimpike “Tokio 2020”, duke fituar medalje ari. Krasniqi mundi në finale japonezen Funa Tonaki.
Por, kjo fitores e saj, nuk është pritur mirë nga mediat serbe, madje Kosovën as nuk e konsiderojnë shtet, teksa portali B92, e nis shkrimin e saj me titullin ”E ashtuquajtura Kosovë fiton medaljen e artë në Tokio”.
Ndër të tjera, media shkruan se pas pas Majlinda Krasniqit në Rio, tani edhe Distria Krasniqi ka arritur të bëhet kampione olimpike nga Kosova.
Sportistja nga Peja fitoi ndeshjen e parë ndaj brazilianes, Gabriela Chibana, ndërsa në çerekfinale mposhti gjithashtu me ‘ippon’ Chen Hao Lin në kategorinë deri në 48 kilogramë.
Ndërsa në gjysmëfinale, Distria Krasniqi, u ndesh me kundërshtaren Urantsetseg Munkhbat, të cilën arriti ta mposhtë gjithashtu edhe pse me pak vështirësi.
Japonezeja Funa Tonaki, ishte pretendentja kryesore për fitimin e medaljes së artë, por Krasniqi arriti ta mposhtë duke entuziasmuar gjithë shqiptarët. Kjo është medalja e dytë për Kosovën, pas asaj në 2016 nga Majlinda Kelmendi.
