Presidenti i Rusisë, Vladimir Putin dyshohet se mund të jetë prekur me koronavirus, pasi takoi një mjek i cili ka rezultuar pozitiv me COVID-19.
Përgjigja e rezultateve për mjekun doli sot, duke shtuar frikën se ai mund të kishte infektuar edhe Putin.
Sipas mediave të huaja, Denis Protsenko, 44 vjeç, i cili drejton spitalin e sëmundjeve infektive Konnunarka, u vizitua nga presidenti Putin javën e kaluar.
Të dy ata janë parë afër me njëri-tjetrin, teksa kanë shtrënguar edhe duart pas doreza mbrojtëse.
Ndërkohë Kremlini zyrtar i siguroi qytetarët rusë, se presidenti ishte testuar për koronavirus dhe se ka rezultuar negativ.
Mirëpo, asgjë nuk është e sigurt pasi eksperienca në vendet e tjera ka treguar se simptomat kërkojnë kohë për t’u zhvilluar.
Rasti i Putin është mjaft i ngjashëm me atë të kancelares gjermane, Angela Merkel. Ajo ndodhet në karantinë që nga java e kaluar, pasi një mjek me të cilin ajo kishte pasur kontakt rezultoi pozitiv me koronavirus.
Merkel ka zhvilluar 3 teste dhe të treja ato kanë dalë negative, por kancelarja vijon të jetë në vetëizolim në shtëpinë e saj.
