Kryeministrja serbe, Ana Brnabic është shprehur se hetimet për vrasjen e Oliver Ivanovic nuk do të mbyllen.
Brnabic ka deklaruar se hetimet do vijojnë deri në momentin që të “zbulohet e vërteta dhe jo ajo që i përshtatet dikujt”. Ajo tha se Beogradi po zhvillon hetimet vet pa mbështetjen e institucioneve në Prishtinë dhe aktorëve ndërkombëtarë në Kosovë.
Dita e sotme shënon 2-vjetorin e ekzekutimit të politikanit serb, Oliver Ivanovic në Kosovë. Lidhur me rastin e tij, Prokuroria Speciale e Kosovës ka ngritur aktakuza ndaj gjashtë personave.
Ai u vra më 16 janar të vitit 2018 para zyrës së partisë së tij në veri të Mitrovicës.
