Dy persona u ekzekutuan pasditen e djeshme në Lezhë, ndërkohë së fundmi policia ka kapur autorin e vrasjes së dyfishtë.
Sipas “balkanweb”, vrasësi është Aleksandër Përdoda, i cili ka pranuar krimin.
Dy viktimat ishin Kol Murrani, rapsod i njohur në zonë dhe Preng Simoni.
Si motiv për ngjarjen dyshohet të ketë qenë një konflikt pronësie për një toke are në fshatin Lalm.
Nisur nga këto të dhëna ishte shpallur në kërkim si i dyshuar për ngjarjen 41-vjeçari Aleksandër Përdoda.
Kol Murrani nuk rezulton me të shkuar kriminale dhe njihej nga shumë banorë të zonës.
Siç u raportua edhe dje, Kol Murrani bashkë me shokun e tij, Preng Simoni kishin dalë që në mëngjes për të shkuar tek shtëpitë e tyre të vjetra.
