Xhelal Reçi, 60 vjeç, ka qenë duke zbritur nga makina e tij tip Benz, së bashku me bashkëshorten dhe një punonjëse të butikut, kur është ekzekutuar mëngjesin e sotëm. Ngjarja e rëndë ndodhi në qendër të Laçit.
Viktima pasi ka hapur biznesin, ka dalë për të mbushur pak ujë, por dy persona ende të paidentifikuar kanë dalë nga makina, duke e ndjekur dhe qëlluar ndaj tij. Burimet, ende jo zyrtare thonë se dy personat e maskuar kanë dalë nga një makinë që ishte aty pranë, por vetëm njëri ka qëlluar tre herë ndaj 60-vjeçarit.
Deri më tani, uniformat blu ka shoqëruar 16 persona, për zbardhjen e ngjarjes. I ndjeri është babai i Besnik Reçit, të cilit i është bërë atentat në gusht të vitit 2020, ku një motor me dy persona ka qëlluar ndaj makinës së tij, në të cilën ndodheshin dhe dy fëmijët dhe bashkëshortja.
