Dy motorë janë përplasur me njëri-tjetrin në fshatin Halilaj, në Lushnje, dhe për pasojë një nga drejtuesit ka humbur jetën. Aksidenti i rëndë ka ndodhur sot rreth orës 18:50, ku ka ndërruar jetë shtetasi me inicialet V.B., 54-vjeç dhe është dëmtuar shtetasi F. K., 43 vjeç, i cili ndodhet jashtë rrezikut për jetën.
Njoftimi i policisë:
Sot rreth orës 18:50, në fshatin Halilaj, Lushnjë, shtetasi V. B., 54 vjeç, banues në fshatin Verri, Fier, duke drejtuar një motomjet, është përplasur me motomjetin me drejtues shtetasin F. K., 43 vjeç, banues në Halilaj. Si pasojë e përplasjes ka ndërruar jetë shtetasi V. B., dhe është dëmtuar shtetasi F. K., i cili ndodhet në Spitalin Lushnjë jashtë rrezikut për jetën.
