Katër persona janë arrestuar në Durrës, pasi akuzohen për shfrytëzim prostitucioni.
Pas një hetimi dy mujor, uniformat blu kanë finalizuar me sukses operacionin e koduar “Bujtina”.
Në pranga ranë shtetasit:
P.B. 66 vjeç, banues në Ishëm, Durrës, tutor, i dënuar më parë për veprën penale “Prodhimi dhe shitja e narkotikëve”;
S.G. 60 vjeçe, banuese në Sukth i Ri, Durrës, tutore;
B.S. 34 vjeçe, banuese në Durrës, e dënuar më parë për veprën penale “Prostitucion”,
P.L. 43 vjeç, banues në Rromanat, Durrës, klient.
Shtetasit P.B. dhe S.G. janë pronarë të një lokali në Sukth, të cilin e shfrytëzonin për prostitucion. Ata kishin punësuar femra si kamariere, të cilat i ndërmjetësonin me qëllim për të kryer marrëdhënie seksuale kundrejt pagesës 2.000-3.000 lekë, me klientë të këtij lokali.
Materialet i kaluan Prokurorisë së Rrethit Gjyqësor Durrës për veprime të mëtejshme.
