Dy vëllezër janë plagosur me thikë në qytetin e Durrësit. Ngjarja ka ndodhur në lagjen 13 plazh, mbrëmjen e sotme pas një konflikti që ata kanë pasur me persona të tjerë.
Mësohet se të dy vëllezërit janë dërguar në spitalin e Durrësit për të marrë ndihmën e nevojshme mjekësore. Njëri prej tyre, ndodhet në gjendje më të rëndë për shkak të plagëve të marra, dhe është futur në sallën e operacionit.
Ende nuk ka informacion zyrtar në lidhje me ngjarjen, dhe motivet e këtij konflikti që u agravua në përdorimin e thikave, që sollën plagosjen e dy vëllezërve.
Policia e mbërritur në vendngjarje ka nisur hetimet për sqarimin e rrethanave të plagosjes dhe identifikimin e autorëve.
