Duka i Madh i Rusisë, George i është përgjigjur pozitivisht kërkesës së Princ Lekës për t’i ardhur në ndihmë Shqipërisë, pas tërmetit të 26 nëntorit që shkaktoi pasoja tragjike.
Përmes një postimi në “Facebook”, ai shkruan se në këto momente të vështira do t’i gjendet pranë popullit shqiptar.
“I jam përgjigjur kërkesës për ndihmë të Princit Leka të Shqipërisë, pas tërmetit që goditi Shqipërinë dhe la të vdekur 50 njerëz, 2000 të plagosur, dhe 2400 ndërtesa të dëmtuara. Do dhuroj për të ndihmuar popullin e Shqipërisë në këto momente të vështira”, shkruan Duka i Rusisë.
