Kreu i Inspektoratit, Shkëlqim Hajdari ka folur rreth aksionit që po kryhet në terren për mbylljen e disa prej bizneseve.
I ftuar në emisionin Repolitix, Hajdari tha se inspektorët kanë dalë në terren duke ndjekur masat mbrojtëse të caktuara nga qeveria. Ai tha se nëse nesër do të urdhërohet mbyllja e “call center-ave” dhe fasonerive, Inspektorati do të kontrollojë nëse urdhri është zbatuar apo jo.
“Ne kemi një armatë inspektorësh që do të fokusohen në terren. Sot janë mbyllur palestrat, pishinat dhe vendet argëtuese dhe për te ka vendosur 31 subjekte në sekuestro. Inspektorati shëndetësor, pas urdhrit që presim të vijë me shkrim të mbyllet baret dhe restorantet. Sot kanë ndjekur masat mbrojtëse, largësia nga tavolinat, nesër nëse nuk do të urdhërohet mbyllja e vendeve të mëdha ku ka punëtorë privatë call center dhe fasoneri, do i ndjekim për distancën rregullat mbrojtëse.
Situata në Shqipëri, këto janë masa të domosdoshme. Për një farë kohe edhe organizimi i punëtorëve, linjat e mëdha. Nëse nesër del urdhri që mbyllen fasoneri dhe call center është i detyruar të kontrollojë zbatimin e urdhrit, në të kundërt masat. Sa i përket bareve? Si për baret dhe objektet e tjera urdhri është i qartë”, tha ai.
Më tej, Hajdari propozoi që qeveria të bëjë gati një akt normativ, pasi në Kodin Penal nuk ka asnjë dispozitë se si duhet vepruar në këto lloj situatash.
“Call Center fasoneritë qeveria duhet të marrë masat ti çojë në shtëpi. Të mbajë hapur në punë furrat e bukës, farmacitë. Qeveria të bëjë gati një akt normativ që të operojmë me një paketë ligjore. Unë mendoj se në Kodin Penal duhet të bëjmë një figurë të posaçme për këtë gjendje. Kodi Penal nuk ka asnjë dispozitë për këtë situatë”, tha kreu i Inspektoratit.
Kujtojmë se këto masa janë marrë nga qeveria, për të ndaluar përhapjen e koronavirusit në vend.
