Drejtori i NDI për Lindjen e Mesme dhe Izraelin, Aranit Shehu është shprehur se deklaratat e Liderit Suprem të Iranit duhet të merren mjaft seriozisht.
Në një prononcim për emisionin “Opinion”, eksperti dhe njohësi i zhvillimeve në rajonin e Lindjes së Mesme u shpreh se Irani ka kërcënuar edhe shumë vende të tjera përveç Shqipërisë.
“Nëse më lejohet të komentoj këto deklaratat e Liderit Suprem të Iranit. Duhen merren shumë seriozisht pasi vinë nga Lideri Suprem i Iranit. E përshëndes deklaratën e kryeministrit, është deklaratë e drejtë e shumë me vend. Kam besim të plotë unë dhe shpresoj se gjithë shqiptarët te strukturat të sigurisë Shqipërisë. Lideri Suprem është duke kërcënuar shumë vende të tjera, jo vetëm Shqipërinë”, tha ai.
Pjesë nga intervista:
Ju e njihni shumë mirë Iranin, Sulejmanin vet e keni njohur?
“Personalisht jo fatmirësisht, por unë kam në Lindje të Mesme 15 vite drejtoj të gjitha programet në Lindje të Mesme. Kështu që, si pjesë e programeve në Siri, Irak, Liban, padyshim që personaliteti i tij është përcjell me vëmendje. Gjenerali ka qenë cak legjitim ushtarak, ka qenë në krye të ekspazionit paramilitar të Iranit për ndikim jo legjitim, jo demokratik, për ndikim përmes dhunës dhe terrorit, në Siri, Irak dhe në Liban. Ka qenë komandanti i njësisë elitë Al-QUDS”.
Me se merret njësia QUDS?
“Al-QUDS është njësia elitare. AL-QUTS në gjuhën arabe është emri i qytetit të Jeruzalemit domethënë është komanda e të gjitha operacioneve paramilitare jashtë shtetit të Iranit. Kështu që, si komandat si asaj njësie ka qenë në krye të organizimit të grupeve të tjera terroriste, të furnizimit me armë, trajnimet, dërgimet të njësive të rregullta të Gradës Islamike Republikane në mbrojtje të Bashar Al-Asadit. Kështu që padyshim që shteti i Iranit e ka pas ndikimin përmes dhunës dhe fuqizimit të faktorit Shiit në Lindjen e Mesme dhe jo vetëm. Sa i përket Liderit Suprem, ma merr mendja se është deklaratë për konsumim të brendshëm. Në përgjithësi në këto situata vetëm frikacaku kërcënon pa nevojë. Irani është shumë i rrezikshëm sepse secili shtet jo demokrati i cili nuk ka moral dhe etik për të realizuar qëllimet e veta është jashtë rrjedhjeve të të Drejtës Ndërkombëtare dhe jashtë kontrolleve dhe marrëveshjeve. Irani me fuqinë e vet që ka dhe me lidhjet e veta me grupet terroriste në Liban, Siri dhe Irak me tendencë që të shfrytëzoj dhunën dhe terrorin si mjet për të ushtruar ndikimin e vet, padyshim që është i rrezikshëm. Përshëndes deklaratën kryeministrit Edi Rama ja kisha lënë institucioneve të Shqipërisë që të japin deklarata zyrtare. Unë si shqiptar kur e dëgjova sot deklaratën e Liderit Suprem, për mua ishte kompliment pasi vetëm sa e fuqizon aleancën strategjike që ne kemi me SHBA dhe botën e civilizuar demokratike”.
