Polonia luan një transfertë shumë të vështirë përballë Shqipërisë, pasi nga takimi i “Air Albania” kalon edhe bileta për në fazën finale të Kupës së Botës Katar 2022. Shqipëria sot do të përballet në ndeshjen e rëndësishme ndaj Polonisë, në orën 20:45, në stadiumin “Air Albania”, e vlefshme për grupin “I” të fushatës kualifikuese të Botërorit Katar 2022.
Mbi 200 tifozë, nga 22 mijë në total i përkasin grupimit “Tifozat Kuq e Zi”, teksa interesi për bileta ka qenë i lartë nga tifozë të të gjithë trojeve shqiptare. Të shumtë janë edhe tifozët polak që kanë udhëtuar drejt vendit tonë, enkas për këtë sfidë.
Federata Shqiptare e Futbollit, me anë të një komunikate zyrtare, ka publikuar për tifozët që do të mbështesin maksimalisht Kombëtaren në stadium, mbi orarin e hyrjes dhe sendet që nuk do të lejohen në brendësi të impiantit të “Air Albania”-s.
