Protestuesit u mblodhën sot në shesh të Prishtinës, për të kërkuar zgjedhje të reja. Lidhur me këtë gjest, kryeministri në detyrë Albin Kurti, ka dalë në ballkonin e Qeverisë për ti mbështetur.
Para një ore ka përfunduar protesta e Lëvizjes Vetëvendosje në Sheshin Skënderbeu, në Prishtinë.
Protesta filloi me shpalosjen e banerit me moton” Duam Zgjedhje”. Protesta në fjalë u organizua në prag të vendimit të Gjykatës Kushtetuese, për dekretin e presidentit Hashim Thaçi, për mandatarin për formimin e Qeverisë.
Kryeministri në detyrë Albin Kurti, nga ballkoni i Qeverisë ka përshëndetur të gjithë ata që morën pjesë në protestën e cila u organizua nga partia që ai drejton.
