Artistja shqiptare me famë botërore, Dua Lipa, është nderuar nga Këshilli i Atlantikut me çmimin e Lidershipit të Dalluar (DLA), që i shkon individëve që kanë kontribuar në misionin e këtij organi, për të formësuar së bashku të ardhmen globale në fusha të ndryshme.
“E nderuar për përpjekjet e saj për të ndihmuar Kosovën përmes Fondacionit të saj Sunny Hill, i cili synon të përmirësojë cilësinë e jetës në kombin e ri, këngëtarja me origjinë shqiptare e pikturoi vendlindjen e prindërve të saj si një qendër kulturore të lulëzuar “duke shpërthyer me kreativitet”, thuhet në deklaratën e Këshillit të Atlantikut.
Dua tha se plagët e luftës mbeten të dukshme, dhe madje edhe brezi i ri lufton për të kapur mundësitë për t’u rritur, për të punuar dhe për të udhëtuar.
“Edhe me një frymë kombëtare të vendosur dhe të guximshme, duhet kohë për t’u rikuperuar dhe për të gjetur një bazë të re. Ne kemi vetëm trembëdhjetë vite të shkurtra në rrugëtimin tonë të pavarësisë, dhe si pjesë e një komuniteti të fortë ndërkombëtar, ne do të lulëzojmë emocionalisht. Ne do të lulëzojmë ekonomikisht dhe kulturalisht. Është në ADN-në tonë”, u shpreh këngëtarja.
Në këtë event nuk mungoi as kryetarja e Komisionit Evropian, Ursula Von der Leyen. Kjo e fundit ka bërë një reagim në Twitter, ndërsa theksoi se është e shumë e lumtur që ka takuar yllin kosovar.
“Shumë e lumtur ta takoj Dua Lipën në Atlantic Council Leadership Awards”, ka thënë presidentja e Komisionit Evropian.
