Gazetari, Artan Hoxha e ka nxjerrë gënjeshtar ish-kryeministrin Sali Berisha në lidhje me arrestimin e ish-shefit të antidrogës në Vlorë, në lidhje më kanbisin që u sekuestrua sot në Itali. Me anë të një statusi në Facebook, Hoxha shkruan rrena e radhës.
Ndërsa përplasjet dhe akuzat si “vrasës” e “hjekës” janë ende të freskëta mes të dyve, gazetari thotë se ka zgjedhur të flasë për shkakun e vetëm se shefi të cilit Berisha i publikoi emrin, Adrian Licaj si i arrestuar në Itali për trafikun e 5 ton marijuana, ndodhet në stadiumin e Vlorës në këto momente.
“Dora vet Adrian Licaj, efektiv i komisariatit të Vlorës, ne krye te detyrës duke siguruar ndeshjen e radhes te superliges shqiptare”, shkruan gazetari teksa poston edhe foton e tij.
Pak më parë ish-kryeministri Berisha, në një reagim në rrjetin social “Facebook” tha se është arrestuar ish-shefi i antidrogës në Vlorë, i cili aktualisht mban postin e komandantit të patrullës në Vlorë.
“Të paktën deri në këtë moment nuk e paskan arrestuar në Itali se qenka në detyrë, për më tutje nuk e vë dorën në zjarr, c’sjell ora nuk sjell moti…”, ironizon Hoxha më tej.
