Kandidati për kryetar Bashkie në qytetin e Vlorës, Dritan Leli, ka hedhur poshtë zërat për kriminalitetin, duke ia hedhur fajin medias se po nxijnë realitetin.
Në një intervistë me moderatorin e emisionit “KafeIN”, ai tha se në 30 qershor do të konfirmohet një standard i lartë i zgjedhjeve.
“Grupet kriminale duan të zhvillojnë aktivitetin e tyre, shfrytëzojnë vendet strategjike. Por në anën tjetër të detit, në Itali nuk kanë këtë perceptim për Brindisin, siç është sot për Vlorën.
Kur lajmet kanë konotacion negativ, klikohen më shumë dhe përhapen po aq shpejt. Lajmi i Vlorës përbën më shumë lajm”, tha kandidati i PS për Vlorën.
