Shqipëria

Drejtori i Emergjencave Civile tregon si shpëtoi Klajdi Qato


               Publikuar në : 20:11 - 07/12/19 M D

Drejtori i Emergjencave Civile Haki Çako, ditën e sotme ishte i ftuar në emisionin “Kjo javë” në “News 24”.

Ai foli për operacionet e kërkim-shpëtimit që janë bërë pas tërmetit të fuqishëm.

Drejtori i Emergjencave Civile tregoi dhe operacionin për shpëtimin e Klajdi Qatos, ku theksoi se ishte një tra që i kishte bllokuar daljen:

“Grupet tona kishin mundësuar krijimin e një hapësire, e një tuneli deri në mbërritjen e Klajdit, djalit që u shpëtua, por pozicioni i tij ishte shumë i vështirë pasi një tra i vendosur në mënyrë horizontale në pjesën e krevatit e kishte mbyllur ose e kishte kufizuar mundësinë e daljes. Gjithçka u mundësua falë durimit dhe profesionalizmit të ekipeve greke që krijuan terrenin e mjaftueshëm për ta shpëtuar”.

25-vjeçari Klajdi Qato fatmirësisht u nxor i gjallë nga rrënojat e hotelit të tij “Vila Palma” në Shkëmbin e Kavajës.

Për fat të keq gjyshi i tij, u nxor i pajetë nga rrënojat.


Kthehu
WhatsApp Denonco ne TT