Dje është thelluar skandali me publikimin e pagave për shqiptarët. Ditën e djeshme ka dalë një listë tjetër e muajit prill, e cila ka 60 mijë emra më tepër se ajo e muajit janar. Drejtoresha e Agjencisë Kombëtare Shqiptare të Informacionit, Linda Karçanaj, e ftuar në emisionin “Opinion” në Tv Klan, është shprehur se shumë shpejt do të zbardhet çështja e rrjedhjes së të dhënave personale të qytetarëve. Ajo ka zuluar ndër të tjera se ky skandal nuk ka të bëjë me hakim të sistemit, por me vjedhje nga persona të brendshëm siç dyshohet deri më tani.
“Ajo që ka ndodhur është shumë shqetësuese. Në analizë paraprake nuk na rezulton që është hakim, por i kemi dhënë Prokurorisë të gjithë informacionin që disponojmë. Jam besimplotë që shumë shpejt do zbardhet e vërteta.
Janë shumë institucione që kanë të dhëna sensitive. Nuk kemi ne akses në të gjitha këto, por mirëmbajmë nga pikëpamja teknike. Ne kemi çelësin e sistemit teknik të rrjetit”.
Drejtoresha e AKSHI-t shtoi se ai person që ka ndërhyrë në sistem, duke marrë të dhënat personale të qytetarëve, siç janë rrogat dhe numri i kartës së identitetit, ka lënë gjurmë.
“Patjetër që besoj është lënë gjurma. Gjuma indentifikon të gjithë procesin që ka ndodhur duke u bazuar në loge. Çdo account është emër, mbiemër”.
