Një ish punonjës policie në Elbasan është shpallur në kërkim, si bashkëpunëtor në grabitjen që ka ndodhur në Rinas. Redaktori i “RTV Ora”, Trazhgim Sokolaj, i ftuar në studion e “360 grade”, ka bërë me dije se ndaj ish policit është nxjerrë dhe një urdhër-kërkimi, për të sqaruar pozicionin e tij.
Nga ekspertiza që është bërë rezulton se nga telefonatat që kanë bërë autorët, ky ka komunikuar me ta dhe ka elemetë të bashkëpunimit.
Në furgonin që është gjetur në Rinas, pranë të cilit është vrarë Admir Murataj, ka rezultuar se kemi një person të dytë të plagosur. Trazhgim Sokolaj ka shtuar më tej, se në bazë të të dhënave që ai disponon, policia e di se kush është personi i plagosur.
“Sipas të dhënave që kam, policia ka një emër për këtë person të plagosur. Pra deri tani kemi dy persona në kërkim të identifikuar”, tha më tej ai.
Zbulohen lidhjet e grabitësit të vrarë në Rinas me PD-në (foto)
