Policia ka arrestuar ish-ministrin e Mjedisit, Lefter Koka. Ai është vënë në pranga pas hetimeve nga SPAK për dosjen e inceneratorëve.
Arrestimi është bërë me urdhër të Gjykatës së Posaçme Kundër Krimit të Organizuar pas kërkesës nga SPAK. Lidhur me këtë hetim janë lëshuar dhe disa urdhër-arreste të tjera.
Urdhër arresti është ekzekutuar vetëm pak minuta më parë, i firmosur nga prokurori Klodian Braho dhe gjyqtar Erion Bani. Ndaj tij rëndojnë akuzat për “shpërdorim detyre”, “pastrim parash” dhe “korrupsion”.
Bashkë me të janë arrestuar edhe dy persona të tjerë, identiteti i të cilëve nuk dihet ende. Nuk dihet se për cilin incenerator bëhet fjalë konkretisht, teksa detaje të reja priten të mësohen në vijim nga operacioni i SPAK.
Lefter Koka ka mbajtur disa detyra të rëndësisshme shtetërore, si ministër dhe deputet. Koka ka qenë pjesë e LSI-së, ndërsa në vitin 2021 kandidoi nën siglën e PS-së ku dhe u zgjodh deputet në Durrës. Pasi mori mandatin, ai vendosi që të jepte dorëheqjen.
Më 1 shtator, deputeti i zgjedhur i PS-së, Lefter Koka dha dorëheqjen nga mandati i deputetit të fituar në zgjedhjet e 25 prillit në Durrës.
