Kryeministri Edi Rama, në një bashkëbisedim me gazetarët ka folur për qëndrimin e tij lidhur me vendimin e Ramush Haradinjat, i cili dha dorëheqjen dy ditë më parë nga posti i Kryeministrit.
Gjatë fjalës së tij, Rama e cilësoi vendimin e tij një çështje politike por edhe taktike. Po ashtu, edhe kësaj radhe, ai u përqendrua tek lufta e UÇK-së, ku deklaroi se nuk mund të vihet kurrë nën akuzë.
“Lufta e UÇK-së nuk mund të vihet kurrë nën akuzë dhe këtu përfshihet edhe Ramush Haradinaj. Pastaj, jep dorëheqjen, s’jep dorëheqjen si kryeministër, kjo është çështje politike dhe taktike, në raport me gjyqin. Në raport me tribunalin. Ndërsa në raport me luftën, unë e konsideroj Ramush Haradinaj si përfaqësues të një lufte çlirimtare , dhe ajo nuk mund të njolloset dhe nuk mund të reduktohet në të gjithë përmasën e saj heroike dhe historike, ku padyshim edhe Ramushi ka një vend”, deklaroi Rama.
