Kryeministri Edi Rama është përplasur këtë të enjte me deputetin e Partisë Konservatore, Kujtim Gjuzin, teksa po sqaronte në Kuvend për ndryshimet në Kodin Penal për krimet zgjedhore.
Në një moment, Gjuzi i drejtohet duke i thënë që të flasë për përgjimet e publikuara nga gazeta gjermane “Bild” dhe jo të hedhë sulme ndaj opozitës.
Ndërkohë, kryeministri i është përgjigjur me fjalët: “Doni të vazhdojmë luftën me përgjime? Doni të shohim kush është ai që ka frikë nga zgjedhjet dhe kush është ai që i fiton zgjedhjet duke vjedhur.”
Kujtim Gjuzi: O zotëri fol për përgjimet e BILD
Edi Rama: Në kodin penal të Republikës kemi futur…Të lutem për atë shami që ke në xhep, të lutem mos më ndërprit.
Kujtim Gjuzi: O zotëri, fol për atë o zotëri…
Edi Rama: Nëse vazhdojnë të bëjnë atë që bëjnë s’do jenë më as kryepleq. Përgjimet dalin pikërisht për një ekuivalencë zbraztësie për koka të tilla, si koka e këtij që më drejtohet mua. Doni të vazhdojmë luftën me përgjime? Doni të shohim kush është ai që ka frikë nga zgjedhjet dhe kush është ai që i fiton zgjedhjet duke vjedhur
