Përsa i përket Donarumës, ekipi favorit për ta bërë të tijin vazhdon të jetë Juventusi, i cili siç raportohet nga Calciomercato.it ka përparësi në garën për lojtarin, por gjithashtu duhet përmendur interesi i dy klubeve elitarë; Paris Saint-Germain dhe Barcelona.
Në lidhje me interesimin nga Barcelona, nga rrjetet sociale vjen një “like”, një pëlqim fotoje që ka ndezur median sportive italiane dhe spanjolle. Portieri i kombëtares italiane, la një pëlqim virtual mbi një foto-postim në një faqe fansash të quajtur ‘fcbarcelona.indian’ në Instagram. Donaruma pëlqeu pikërisht postimin në të cilin nënvizohej se katalanasit janë të gatshëm ta afrojnë portierin riosh me kosto zero.
Dhe mjaftoi që vetë Donaruma të klikonte ”Më pëlqen” mbi foto dhe padyshim që tani mund të konsiderohet e hapur edhe pista e Barcelonës.
