Pasi u përjashtua nga platformat sociale si Facebook dhe Twitter, Trump ka bërë përpjekje për krijimin e një media sociale rivale. Ish-presidenti amerikan Donald Trump do të lançojë aplikacionin e tij të mediave sociale, TRUTH Social, për të cilin tha se do të “qëndronte përballë kompanive të mëdha të teknologjisë” si Twitter dhe Facebook që e kanë ndaluar atë nga platformat e tyre.
Të mërkurën, ish-presidenti njoftoi se platforma e tij e re e mediave sociale, e cila duket se i ngjan shumë Twitter-it, është planifikuar të lançohet në vitin 2022. Sipas një deklarate për shtyp të postuar në Twitter nga zëdhënësja e Trump, Liz Harrington, aplikacioni pritet të jetë i disponueshëm në App Store të Apple në nëntor.
Burimi i lajmit: INSIDER. Përshtatur nga Tirana Today
