Prej vitesh, këngëtarja Zaimina Vasjari nuk është shfaqur në ekran, pasi ka qenë e angazhuar me koncertet dhe biznesin e saj në Tiranë. Por ajo ka hedhur një hap më tej në karrierën e saj, ku në një dokument që është bërë publik për mediat, demostron se është emëruar specialiste në drejtorinë e Ujësjellës Kanalizime në Durrës, në degën e Shijakut.
Vasjari është emëruar në këtë detyrë prej datës 10 qershor, e ndërsa vendimi mban firmën e drejtorit të Ujësjellësit Spartak Kovaçi. Prej datës 10 qershor ajo ka marrë përsipër që të zgjidhë problemet e komunitetit të Shijakut, për ujin e pijshëm.
Zaimina Vasjari përveçse këngëtare, mban edhe titullin e “Miss Shqipëria 2002”, ndërsa është diplomuar në degën e Arkitekturës.
