Dy të rinj kanë humbur jetën në aksin Shkodër-Velipojë, pasi makina me të cilën udhëtonin ka dalë nga rruga, dhe është përplasur me murin. Shpejtësia në makinë i ka marrë jetën Amarildo Prekës, 23 vjeç dhe Driona Trianit, 16 vjeçe.
Aksidenti fatal ndodhi rreth orës 02:45, në vendin e quajtur “Mbi sukë”, në rrugën Shkodër-Velipojë, ku si rezultat i shpejtësisë në kthesë, mjeti tip BMW me të cilin udhëtonin të rinjtë, ka dalë nga rruga duke u përplasur me një mur.
Dy të rinjtë që humbën jetën, po ktheheshin nga Velipoja ku po festonin. Grupi hetimor nën drejtimin e Prokurorisë, po vijon punën për sqarimin e plotë të rrethanave të aksidentit.