Çdo ditë e më shumë dalin në dritë detaje të reja tronditëse nga historia e Përparim Ademit me dy të dashurat e tij, motrat Zhaneta Metani dhe Kristina Bardhi, të cilat i vrau me breshëri plumbash. Djali i Përparim Telës ka publikuar mesazhet kërcënuese që ka marrë pas ngjarjes së rëndë.
Kristo Tela është shprehur për “Top Channel” se është kërcënuar nga Bashkim Metani (vëllai i motrave të vrara), i cili sipas tij, është betuar për hakmarrje.
“Është kërcënuar motra që është shurdh-memece, atë e kanë falur ndoshta se u ka ardhur keq, por mua jo. Jam shumë i bindur që do marrin gjak te unë.
Sipas mesazheve, Bashkim Metani ka thënë: “Do villni gjakun e motrave të mia që kanë vdekur”.
“Kërkoj nga shteti vetëm mbrojtje asgjë tjetër, më rrezikohet jeta. Sot nuk dalim dot as deri në ballkon”, u shpreh ai i shqetësuar.
Vjollca Telo, gruaja e 59-vjeçarit ka thënë dje për mediat se e ka marrë vesh lidhjen, dhe nuk ka ndërhyrë për të prishur raportin e tyre, pasi donte që burri të ishte i kënaqur për të mos prishur familjen.
Vjollca ka rrëfyer gjithashtu se me familjen e Zhanetës, shkonin familjarisht në plazh. Ajo madje tregon se vetë Përparimi i kishte treguar për shqetësimin e tij se Zhaneta e tradhtonte me një tjetër. Madje atë ditë thotë Vjollca, ishte i mërzitur. Gjykata Penale ka caktuar “arrest me burg” për 59-vjeçarin Përparim Ademi, i cili ekzekutoi në vigjilje të Vitit të Ri me një breshëri plumbash motrat Zhaneta Metani dhe Kristina Bardhi.
