Kryetari i Partisë Demokratike, Lulzim Basha, ka komentuar deklaratën e kryeministrit Rama, i cili tha se do të shkonte në selinë blu për të negociuar.
I ftuar në ‘Syri.net’, Basha tha se Rama nuk është i mirëpritur në selinë e PD-së, pasi ata e duan atë para drejtësisë.
Duke iu referuar fotos së kryeministrit me ish-presidentin amerikan, Barack Obama, Basha u shpreh se problemet në politikë nuk zgjidhen me shfaqje dhe foto, teksa shton se e vetmja zgjidhje për krizën janë zgjedhjet e parakohshme.
“Zoti Rama është përgjegjësi për krizën politike. Tani duhet te marre përgjegjësi për ketë krize, te zbatoje planin e ardhur nga Gjermania, t’i hape rruge zgjedhjeve te lira dhe te ndershme, te japë përgjegjësi për dështimin me integrimin evropian te vendit, ç’lidhje ka te vije ne Partine Demokratike, s’është i mirëpritur ne PD fare. Por kam një pyetje. Me ke do vije? Me Tomen? Me Gjushin? Me Avdylajt do të vije? Ai nuk është një njeri i pafajshëm, ai është fajtori për ketë gjendje. Dhe qe te vije aty, te laje zhulin e fajit me një tjetër fotografi me kryetarin e opozitës, kjo nuk ka për te ndodhur.
Politika nuk është loje. Ka sharlatanë te cilët e shesin si loje, ia shesin barkbosheve natën si shfaqje, i dallon qarte populli. Sharlatani qe me shfaqje te çon deri diku ajo, çon 1 vit, 2 vjet, 3 vjet, ja edhe 6 vjet, vjen një moment frigoriferi bosh, xhepat bosh, zgjohet populli, s’është loje kjo. Kështu qe as te mos marre mundimin te niset për ne PD sepse e pret një surprize e hidhur ne Partine Demokratike. Nuk është i mirëpritur ne Partine Demokratike.
Partia Demokratike, Edi Ramen e do para drejtësisë për atë qe ka bere. Por, ne respekt te qytetareve shqiptare, ne kemi ndërmarre hapa konkrete, për te angazhuar PS për pergjegjesite qe ka përpara shqiptareve dhe hapi konkret është propozimi me 5 pika per Reformen Zgjedhore. E ka mbi tavoline sepse ia ka çuar Damiani me shokët e tij, te behet gati ta zbatoje, ose te hape krahun.
Zoti Rama ka treguar se kur është në hall, bën gjithçka.
I kemi dhënë më shumë kohë sesa meriton. Ai është një njeri i mbaruar politikisht. Shqipëria është në krizë dhe kjo nuk është çështje as për zotin Rama, as për zotin Basha, as për zotin Meta.. Shqipëria është në krizë. Ne kemi ofruar një rrugë për zgjidhjen e krizës. Ai ta zbatojë ose të hapë krahun”, tha Basha.
Pjesë nga intervista
Pyetje: Rama gjithmonë viktimizohet, kur është në nevojë dhe mund të jetë gati të ulet në tryezë, nëse ka presion të fortë nga ndërkombëtarët.
“Nuk zgjidh asgjë tryeza. Nuk ka presion për t’u ulur në tryezë”.
Pyetje: Zoti Rama është nga ata që vjen fillikat vetëm tek dera e PD. Çfarë do të bëni ju se u shprehët e pret një surprizë e hidhur.
“Kam neveri personale ndaj përpjekjes për të kthyer gjithçka në sensacion. Kjo nuk ka të bëjë me shfaqet e Edi Ramë sapo kujtdo tjetër. Nuk zgjidhen problemet në politikë më shfaqje dhe me foto. Kriza e rëndë politike kërkon përgjegjësi. Kjo krizë zgjidhet me zgjedhje dhe këtë ka thënë Bundestagu. Bëj gati kuadrin ligjor, zbatoje kuadrin ligjor – që do të thotë zgjedhje. Hapat janë tq artë. Kërkesat janë ultimative, përgjegjesia është e Edi Ramës, dështimi ëhstë I Edi Ramës. Megjithatë, ne si opozitë kemi ndërmarrë një hap të jashtëzakonshëm dhe kemi vënë mbi tavolinë një plan për ta zbatuar, me anë të të cilit garantojmë reformën zgjedhore, garantojmë kushte për zgjedhje të lira e të ndershme dhe çojmë vendin drejt zgjidhjes së krizës politike, përmes zgjedhjeve të lira e të ndershme. Të gjitha të tjera janë përpjekje për të heëur vëmendjen nga këto tre hapa të thjeshtë, por të domosdoshëm”.
