Partia Demokratike ka thirrur sot në mbledhje Unionin e Gazetarëve lidhur me paketën Antishpifje, e cila pritet të kalojë këtë të enjte në seancë parlamentare.
Gjatë fjalës së tij në mbledhje, Basha e cilësoi paketën si një cmenduri teksa shton se opozita nuk do e njohë votimin në Kuvend. Sipas Bashës, mosinformimi dhe keqinformimi është objektiv i qeverisë së kryeministrit Rama.
“Një gazetar e quajti churcil budalla dhe të nesërmen u arrestua. Kur Churchill mori fjalën dhe tha nuk u arrestua se ofendoi kryeministrin po se nxori një secret shtetëror. Kjo me të cilën po ballafaqohemi nuk është një anekdodë. Këtë ftesë nuk e kemi thirrur për treguar solidaritet, apo për t’ju marr në krahët e opozitës.
Pa lirinë e medias, nuk ka liri politike. Mosinformimi dhe keqinformimi është objektiv i qeverisë dhe Ramës, arrestimeve, presioneve financiare duke ngushtuar informimin. Kjo është një vijë e kuqe e papranueshme për Partinë Demokratike dhe opozitën e bashkuar. Kjo është një luftë e shpallur kundër lirisë së medias. Qeveria po propozon një për të instaluar censurën.
Objektivi ynë është t’i japim vendit një kuadër ligjor për t’i mbyllur derën tranzicionit ndaj medias dhe për ta zhvendosur në standarde evropiane në praktika të autonomisë dhe lirisë së shprehjes. Nëse çmenduria çohet deri në fund në parlamentin e cunguar, opozita nuk do ta njohë dhe sapo të ketë mundësinë e qeverisjes për ta zhbërë këtë legjislacion bashkë me shoqatat e gazetareve të pezullojmë çdo masë të tille arbitrare”, tha ai.
Pse rrogat rriten në letra, por varfëria rritet në realitet?
