E shtunë, 16 Janar, 2021
-2 C
Tirana

“Do përgatitemi për më të vështirën”, Messi i thur elozhe Ronaldos: Ishte ‘magjik’

Barcelona zhvilloi një ndeshje fantastike të mërkurën në mbrëmje në “Camp Nou” përballë Lyon, ku e mposhti 5-1 dhe kaloi në fazën tjetër të Champions League. Lionel Messi ishte fantastik në këtë sfidë dhe arriti të shënonte dy gola, po ashtu të dhuronte edhe dy asiste.

Një kundërpërgjigje fantastike për rivalin e tij Cristiano Ronaldo i cili me tregolëshin e tij i dhuroi një natë magjike Juventusit përballë Atletico Madridit. Messi nuk i ka kursyer elozhet për Ronaldon, për atë që dha në fushë në atë ndeshje perfekte në Torino.

“Ajo që bëri Ronaldo dhe Juventusi ishte impresionante dhe e jashtëzakonshme. Mendoja se Atletiko do të luante më fort dhe më mirë, por nuk ndodhi kështu. Ronaldo pati një natë magjike duke shënuar 3 gola”.

Me 8 gola në Ligën e Kampionëve, Leo Messi udhëheq listën e golashënuesve bashkë me Lewandowskin. Ky i fundit u eliminua dhe “Pleshti” do të vazhdojë ende të luajë. Në fazën e ardhshme nuk shpreh dëshirën për kundërshtarët dhe thotë se të gjithë janë të fortë.

“Siguruam një objektiv të sezonit dhe e arritëm me shumë vuajtje. Kur ndeshja shkoi 2-1 sigurisht që nuk ishte e lehtë, por na ndëshkuan me një goditje standarde. Lyoni nuk kishte bërë gjë deri në ato momente. Për fat e shënuam shumë shpejt golin e tretë dhe rikthyem qetësinë.

Që nga fillimi i ndeshjes ne ishim në kërkim të fitores dhe nuk kishim dyshime për këtë. E qarkulluam topin shumë, edhe pse jo në versionin më të mirë të mundshëm. Kur rezultati shkoi 3-1 gjetëm më shumë hapësira dhe e goditëm Lyonin me kundërsulme. Vetëm kur ndeshja shkoi në këtë pikë, nisëm të vraponim.

Goli i 3-1 ishte pak me fat dhe më la pezull për disa sekonda, por për fat shkoi në rrjetë dhe më dha qetësi mua dhe gjithë skuadrës”.

Messi nuk ka shfaqur asnjë preferencë për kundërshtarin e radhës, por i ka paraqitur të gjithë si shumë të rrezikshëm dhe tha se Barcelona duhet të përgatitet për më të vështirën.

“Të gjithë rivalët janë të rrezikshëm. Ajaxi, për shembull, tregoi se është një ekip i madh me djem të rinj dhe nuk ka frikë nga asnjë skuadër. Çdo ekip që do të kemi do të jetë i fortë dhe ne duhet të përgatitemi për më të vështirën. Tani është faza më e bukur dhe më e vështirë e këtij kompeticioni”.

- Reklama -

Më shumë nga kategoria




Të fundit

Fitore madhështore në derbi, Lacio nënshtron Romën (Video)

Lacio e Simone Inzagit, arriti një fitore madhështore me rezultatin 3-0 në derbin e kryeqytetit përballë Romës.  Të kaltërit e dominuan takimin, duke vendosur...

”Është si Skëndërbe”/ Spiropali: Rama, i vetmi njeri që di të bëjë qytete

Ministrja për Marrëdhëniet me Parlamentin, Elisa Spiropali tha mbrëmjen e sotme në studion e emisionit ''Bardh A Zi'' në ''ABC'', se kryeministri Edi Rama...

Norvegji, 23 persona humbin jetën pasi injektuan vaksinën e Pfizer

23 persona kanë humbur jetën në Norvegji pasi janë injektuar me vaksinën kundër koronavirusit të kompanisë amerikane Pfizer. 13 prej viktimave ishin të moshuar...

Trump largohet nga Uashingtoni ditën e inaugurimit të Biden-it

Presidenti Donald Trump do të largohet nga Uashingtoni të mërkurën në mëngjes, pak përpara inaugurimit të Presidentit të zgjedhur Joe Biden, për të filluar...

Pronat në jug/ Lame: Meritojmë medalje, bëmë një hartë se nuk ka pasur

Kreu i Kadastrës, Artan Lame ka folur lidhur me pronat e minoritarëve grekë në jug të vendit. Përballë kreut të OMONIA-s, Fredi Belerit, Lame u...