Blutë e Durrësit kanë vënë në pranga një 49-vjeçar, lidhur me akuzën e “mashtrimit”. Bëhet fjalë për shtetasin Arben Musliaj. Duke shfrytëzuar situatën e ndodhur pas tërmetit, në lagjen nr 14, në ambientet e brendshme të tregut të fruta-perimeve në Shkozet, Durrës, i ka marrë me anë të mashtrimit shumën prej 13.000 lekë (të rinj) shtetasit N. F. , banues në Durrës. Kjo me arsyen se i duheshin për të blerë ndihma ushqimore, për këtë situatë. Nga ana e policisë citohet se shuma në fjalë, është sekuestruar në cilësinë e provës materiale.
Njoftimi i policisë:
Policia e Durrësit vijon punën për evidentimin dhe goditjen e rasteve të mashtrimit dhe abuzimit duke përfituar nga situata e krijuar si pasojë e tërmetit të datës 26 nëntor. Bie në prangat e policisë një 49- vjeçar, nga Tirana, për mashtrim me qëllim përfitimin e një shume lekësh. Policia e Durrësit, në kuadër të parandalimit, evidentimit dhe goditjes së rasteve abuzive apo të mashtrimit duke përfituar si pasojë e situatës së krijuar nga tërmeti i rënë më datë 26 nëntor, ka shtuar prezencën policore me uniformë dhe civile në të gjitha zonat e prekura nga tërmeti.
Si rezultat i investigimit në pikat e grumbullimit të ndihmave, në tregjet ushqimore dhe në territor, Specialistët për Hetimin e Krimit Ekonomik e Financiar në Drejtorinë Vendore të Policisë Durrës arrestuan në flagrancë shtetasin:
Arben Musliaj, 49 vjeç, banues në Tiranë. Arrestimi i tij u bë pasi ky shtetas duke shfrytëzuar situatën e ndodhur pas termetit, në lagjen nr 14, në ambientet e brendshme të tregut të fruta-perimeve në Shkozet, Durrës, i ka marrë me anë të mashtrimit shumën prej 13.000 lekë (të rinj) shtetasit N. F. , banues në Durrës, me arsyen se i duheshin për të blerë ndihma ushqimore për këtë situatë. Shuma e parave u sekuestrua në cilesinë e provës materiale, dhe materialet i kaluan Prokurorisë pranë Gjykatës së Shkallës së Parë Durrës, për veprime të mëtejshme.
