Lidhur me debatet që kanë përfshirë politikën për listat dhe koalicionet, një reagim ka ardhur nga ambasadorja e SHBA në Tiranë, Yuri Kim.
Yuri Kim i ka kujtuar kryeministrit Edi Rama dhe kryedemokratit Lulzim Basha, marrëveshjen e 5 qershorit, të arritur me konsensus mes palëve.
Ajo paralajmëron se çdo ndryshim i bërë përtej kësaj marrëveshje, duhet bërë me mirëbesim.
“Ne i kujtojmë kryeministrit Rama, kreut të PD Basha dhe të gjithë drejtuesve të tjerë për të gjitha angazhimet që kanë marrë. Angazhimi, propozimet dhe kundërpropozimet duhet të jenë në mirëbesim. SHBA gjithmonë do t’ju mbeshtesë, por ju drejtuesit shqiptarë jeni pala më përgjegjëse”, shkruan Kim.
