Ndërsa ndodhet në Kongresin e Kristian-Demokratëve në Gjermani, kryedemokrati Lulzim Basha ka ndarë përmes një video-mesazhi se në fokus të takimeve me personalitetet gjermane ka qenë plani ekonomik i PD.
Lideri i PD-së shprehet optimist se nga Gjermania do të kthehet me planin për ta nxjerrë ekonominë e Shqipërisë nga kriza.
“Kriminelë me poste në institucione”/ PPE miraton rezolutën për Shqipërinë
Në videon e tij të shpërndarë në Facebook, Basha tha se ai do të kthehet nga Lajpcigu me zemrën dhe duart plot, me qëllim për ta futur Shqipërinë në rrugën e zhvillimit.
“Dua të ndaj me ju një lajm të mirë që dje dhe sot ka qenë në fokus plani ekonomik i PD. Është hartuar me ndihmën e ekspertëve të kristiano-demokratëve gjermane. Ne vazhdojmë bashkëpunimin me ta, sa i takon dhe investimeve gjermane në vendin tonë.
Dje kam pasur rastin të bisedoj nga afër me zyrtarë të CDU-së. Sot pres të takohem me ministren e Mbrojtjes, ku në fokus të bisedave ka qenë së pasi çështja e integrimit të Shqipërisë dhe hapja e negociatave. Plani me 9 pika dhe udhërrëfyes për nxjerrjen e Shqipërisë nga kriza”, pohoi Basha.
