Shumë është aluduar mbi vaksinën që do të mposhte koronavirusin. Por me kalimin e ditëve, edhe më shumë shpresat janë të humbura, ndërsa ende nuk ka një datë. Autoritetet shëndetësore, në vende të ndryshme flasin për një kohë të afërt, por ende asgjë nuk është folur më konkretisht.
Me ardhjen e stinës në vjeshtës, situata është rënduar tej mase në mbarë botën. Spitalet janë të tejmbushura, e ndërsa kapacitetet janë të pakta për të pritur pacientë të tjerë, të cilët kanë nevojë për ndihmë mjekësore.
Aktualisht është një situatë e rënduar, dhe masat nuk kanë dhënë rezultatin e pritshëm për frenimin e pandemisë. Konspiracionisti Alfred Cako ka shokuar me deklaratën e tij, ndërsa paralajmëron për tre izolime. I ftuar në studion e emisionit “E Diell”, në rubrikën “Rrethi Katror”, Cako paralajmëroi se do të kemi edhe tre karantina të tjera. E para do të nisë në muajin dhjetor. Ndërsa në muajin shkurt, sipas tij, do të hidhet edhe një virus tjetër, i quajtur “virusi 21”.
“Ka një plan për tre karantina. Është deri në fillim të dhjetorit i pari. Më pas do të fillojë përsëri, do të hidhet ajo që quhet “virusi 21”. Ky është të paktën plani i nxjerrë nga një i afërmi i kryeministrit kanadez. Duan të bëjnë edhe dy karantina të tjera. Virusi që mendojnë të hedhin në shkurt, do të jetë një virus shumë i fortë, nëse Trump do t’i lejojë dhe do të ketë probleme të brendshme në SHBA”, tha Cako.