Shqipëria po përballet me një situatë të vështirë, si pasojë e COVID-19. Të infektuarit janë në shifra të larta. Për fat të keq, e njëjta situatë paraqitet edhe me personat të cilët nuk ia dalin dot mbanë. Qofshin ata që kanë sëmundje bashkëshoqëruese, por edhe ata të cilët nuk kanë vuajtur më herët nga ndonjë sëmundje.
Ndodhur në këto kushte, shteti shqiptar ka marrë masat që situata mos të përvijojë më keq. Danimarka do të sjellë 30 respiratorë në Shqipëri, për të ndihmuar në kurimin e pacinetëve me Covid-19.
Mediat daneze shkruajnë se vendimi është marrë nga ministrat e vendit, bazuar në një vlerësim se respiratorët nuk janë të nevojshme aktualisht nga shërbimet shëndetësore vendase.
Cila është kontrata mes palëve? Vendi ynë ka mundësi të përdorë për një vit këto pajisje, për të kuruar pacientët e saj. Nëse Danimarkës do t’i duhen, vendi ynë do t’ia kthejë sërish mbrapsht. Në Shqipëri do të vijë edhe një anëtar i sektorit shëndetësor danez, së bashku me respiratorët, për të trajnuar mjekët se si t’i përdorin ato.
