E enjte, 20 Janar, 2022
-1.5 C
Tirana

Do ekstradohet drejt Italisë/ Alket Hatija reagon nga arratia: Më bënë kurban

Alket Hatija, i cilësuar nga mediat italiane si “Zot i drogës”, do të ekstradohet drejt Italisë. Ministri i Drejtësisë, Ulsi Manja, ka lejuar ekstradimin e tij drejt vendit fqinj, ku rezulton i dënuar me 20 vite burg për drogë. Pas këtij vendimi, Alket Hatija ka reaguar nga arratia. Në një reagim për “News24”, ai e ka cilësuar këtë vendim si turp për drejtësinë shqiptare. Hatija thotë se ai është bërë “kurban”.

“I nderuar ministër, kisha shumë shpresë tek drejtësia juaj. Shpresoja që familja ime do gjente qetësi meqë kemi një ministër të drejtë! Por drejtësia lë për të dëshiruar mesa shoh…Familja ime qenka vetëm në dorë të të madhit Zot. Ky është turp i drejtësisë shqiptare. Më bënë kurban, që fëmijët e tyre të jetojnë në komoditet”.

Ai ka reaguar edhe për “Report Tv”, ku zbulon ndër të tjera se është mbajtur peng nga drejtësia shqiptare e cila e ka arrestuar në 2008. “Jam dënuar për një çështje që bën marrëveshje Itali-Shqipëri, që ka ndodhur në vitin 2003-2004 dhe drejtësia shqiptare më dënoi me 16 vite burg për këtë çështje që vuajta me vendim gjykate. Tani thonë nuk të kemi dënuar mirë dhe do të dënohesh edhe një herë në Itali po për këtë çështje. Ky është një turp i drejtësisë shqiptare, që po tregohet më kriminele se një kriminel rrugësh. Vetëm një gjë dua të di, pse drejtësia shqiptare më mbajti 16 vjet në burg për këtë çështje kur vendimet e gjykatave shqiptare nuk njihen nga drejtësia italiane? Pse nuk më ekstradoi në Itali që kur më arrestuan për këtë çështje në 2008? Më janë mbajtur peng 16 vite nga drejtësia shqiptare. Nuk i kam borxh as drejtësisë shqiptare dhe as drejtësisë italiane”, tha Hatija.

Për avokatët e tij, Hatija e ka kryer dënimin këtu në vend dhe se nuk ka pse të ekstradohet në Itali, për të kryer sërish një dënim që tashmë e ka bërë. Për të është vendosur ekstradimi drejt Italisë.

- Reklama -

Më shumë nga kategoria




Të fundit

Basha i përgjigjet Metës pas takimit me Ballën

Kryedemokrati Basha ka dhënë garanci se PD nuk do t’i iki asnjë beteje, përfshirë edhe zgjedhjet vendore. Qëndrimi i tij pason pas deklaratës për...

Krijohet sistemi që “parashikon” pacientët më të rrezikuar me Covid-19

Shkencëtarët në Gjermani kanë zhvilluar një sistem të ri të inteligjencës artificiale, i cili analizon proteinat në një mostër të vetme gjaku te një...

PD po shkon drejt ndarjes?

Nga: Artur Ajazi Mendimi për një ndarje të mundshme të PD-së, po shprehet dhe promovohet hapur ditët e fundit në çdo ambient mediatik. Në dukje...

Në kërkim të racës Ariane: Misioni i bujshëm i nazistëve në pyjet e Amazonës

Nga: Pietro Emanueli Nazistët kishin një koncept racist mbi botën dhe marrëdhëniet ndërkombëtare, brenda së cilës Gjermania ishte qendra e gjithçkaje, dhe ishte mbi të...

Bardhi: Asnjë habi nga trekëndëshi i Bermudës.Reagon Blushi: Ç’na polli belaja!

Sekretari i Përgjithshëm i PD-së, Gazment Bardhi, ka reaguar sa i takon qëndrimit publik të presidentit Meta, pas diskutimit për datën e zgjedhjeve të...