Moderatorja Dajana Shabani, emri i së cilës është lakuar për lidhjen e saj të dashurisë, ka paralajmëruar dikë që i ka krijuar shqetësime. Ajo ka vënë re se emri i saj është përdorur në një aplikacion online. Një vajzë e quajtur Frensis, duket se ka dashur që të argëtohet nën emrin e moderatores.
“Tinder” quhet programi që mundëson njohje dhe takime, të cilat mund të arrijnë deri në lidhje dashurie. Pasi ka vënë re se një vajzë e quajtur Frensis përdor fotografitë e saj, Dajana ka reaguar duke i bërë të qartë se do bëhet pishman për këtë veprim.
“Në aplikacionin Tinder janë përdorur fotot e mia nga e ashtuquajtura ‘Frensis’. Frensis nëse të gjej, do ta kuptosh si mund të bëhesh pishman që ke lindur! Dhe meqë qenke dhe e fakultetit të mjekësisë, do ta shpjegoj anatominë në Lushnje”, shkruan Dajana në Instagram.
