Partia Socialiste në Vaun e Dejës i është përgjigjur akuzave të ngritura nga sekretari i Përgjithshëm i PD-së, Gazment Bardhi lidhur me një sërë shkeljesh në procesin e zgjedhjeve të 30 qershorit në këtë zonë.
Agron Ceka thotë se procesi në bashkinë e Vaut të Dejës ka qenë i rregullt, teksa konfirmon se fletët e votimit të djegura pas sulmit ndaj shkollës “Shejnaze Juka” u zëvendësuan para nisjes së procesit zgjedhor.
“Ditën e shtunë pas mesnate kanë mbërritur të gjitha materialet zgjedhore tek KZAZ 6 Bushat të cilat u dogjën pak ditë përpara 30 qershorit dhe të pranishëm kanë qenë vëzhguesit e OSBE ODIHR të cilët janë shumë më të besueshëm se PD”, deklaroi Ceka.
