Nëna e djalit të dhunuar nga policët, e cila pati një përplasje të fortë edhe me Ardi Veliun, është shfaqur për herë të parë në ekran pas ngjarjes.
Zaida Çobo, mamaja e 15-vjeçarit që u dhunua barbarisht nga policia, pranë Parkut të Liqenit në Tiranë, foli në “E Diell” për të birin, jo për temën e dhunimit, por për dëshirat dhe aspiratat e tij për të ardhmen. Zaida e cila ka qenë banore e ‘Big Brother Albania 8’, thotë se do të luftojë deri në fund, dhe nuk do të ndalet.
Ervin Kurti: Ti ke tre fëmijë, 23, 20 dhe 15. Fëmijët tani janë rritur, ti me jetën tënde çfarë po bën?
Zaida Çobo: Unë tani po merrem me të voglin, sepse është adoleshent.
Ervin Kurti: O Manush, djali i vogël, 15-vjeçari do të bëhet futbollist.
Edi Manushi: Na thuaj njëherë mbiemrin
Zaida Çobo: Çobo.
Edi Manushi: Ëeee çfarë luan, mesfushorë, mbrojtës?
Zaida Çobo: Portier.
Edi Manushi: Na duhet një portier, na duhet, një pasardhës i Strakoshës për kombëtaren.
Ervin Kurti: Ti vazhdon ende të jesh luftarake siç je etikuar në ‘Big Brother’.
Zaida Çobo: Akoma më tepër nga ç’isha.
Ervin Kurti: Po nuk të duan çunat kështu moj.
Kujtojmë këtu se Drejtori i Përgjithshëm i Policisë së Shtetit, Ardi Veliu, publikoi një video të Zaida Çobos, mamasë së 15-vjeçarit, i cili u dhunua nga punonjës të policisë pranë Liqenit Artificial të Tiranës.
Gjatë raportimit në mbledhjen online të Komisionit të Sigurisë, në videon e publikuar nga Ardi Veliu, ky i fundit thotë se mamaja e adoleshentit shfaqet me pistoletë në dorë. Duke folur për sjelljen e punonjësve të policisë në këtë rast, Drejtori i Përgjithshëm i Policisë së Shtetit pranoi se në momente të caktuara, kishte tejkalim të kompetencave, por ngriti dyshime edhe mbi edukimin familjar të 15-vjeçarit.
Teksa ai publikoi një video marrë nga rrjetet sociale të zonjës në fjalë, ai nuk ishte në dijeni se ajo ishte aktore. Dhe se ajo sekuencë ishte jashtë xhirimeve. Ai reagoi pas publikimit të videos, e cila rezultoi të ishte e pavërtetë. Sipas tij, deklarata që ka bërë është deformuar.
