Djali i kryeministrit Edi Rama, Gregu, ka njoftuar se ka fituar betejën me Covid-19. Në postimin e tij, djali i kreut të qeverisë ka falenderuar mjekët dhe infermierët e Sanatoriumit. Gregu shkruan po ashtu se pas analizave dhe trajtimit në spital e shtëpi, ndjehet shumë mirë si fizikisht ashtu edhe mendërisht.
“Për fat të mirë pas analizave që më morën në spital dhe trajtimit që mora në shtëpi, ndjehem shumë më mirë fizikisht dhe mendërisht.
U desh kjo ndodhi që të më rritej akoma më tepër respekti dhe besimi tek ata të cilët ndodhen në çdo orë e minutë në vijën e parë të zjarrit, në këtë luftë!”, shkruan ndër të tjera djali i Ramës.
Më herët, kreu i qeverisë ka konfirmuar se mjekët po bëjnë çështë e mundur për të shpëtuar pacientët, dhe se spitalet kanë kapacitetet e nevojshme. Ndryshe nga çfarë është përfolur kohët e fundit nga ana e opozitës, Rama e ka demostruar përmes pamjeve se ka shtretër bosh ku mund të shtrohen të infektuarit.
