Kreu i Lëvizjes “Vetëvendosja”, Albin Kurti ka folur për dëshirën e tij për të bashkëpunuar me ish-ministrin e Jashtëm Ditmir Bushatin, raportin që ka me kryeministrin Edi Rama, si dhe për zhvillimet e fundit në Kosovë.
Në një intervistë dhënë për “ABC News”, Kurti nuk nguroi të fliste për Ditmir Bushatin, duke qenë se është një nga më të përfolur si drejtues i ardhshëm i Lëvizjes “Vetëvendosja” në Tiranë. Ai u shpreh se ish-ministri socialist është një politikan që duhet të japë kontributin e tij jo vetëm në Shqipëri por edhe në Kosovë. Mirëpo, kur vjen fjala për drejtimin e ‘Lëvizjes Vetëvendosja’ në Tiranë, Kurti nënvizon se vendimet janë të strukturave të qendrës në kryeqytet.
Ndër të tjera, ai u shfaq i bindur se në në 6 tetor do të jetë ai kryeministri i ri i Kosovës, ndërsa, sipas tij, LDK është forca e vetme me të cilën e sheh të mundshëm bashkëpunimin paszgjedhor.
