Ish-ministri i Jashtëm, Ditmir Bushati është caktuar i dërguar i posaçëm për OSBE-në. Ky lajm është përcjellë me anë të një njoftimi në faqen zyrtare të OSBE-së. Bushati kryeson listën e personave, që gjatë këtij viti do të drejtojnë fusha të caktuara.
Bushati në cilësinë e të dërguarit të posaçëm, do të trajtojë çështje dhe problematika të të gjitha fushave me të cilat kryesia mund të përballet gjatë drejtimit të organizatës.
I dërguari i posaçëm është një risi e Presidencës Shqiptare të OSBE-së, pasi presidencat e shkuara nuk kanë pasur një pozicion të tillë.
