Për dy të moshuara, sot ishte një ditë tejet speciale. Ditëlindjet e zonjave Hedije dhe Valdete në Shtëpinë e të Moshuarve në Shkodër janë festuar si asnjëherë më parë, ku pjesë e kësaj feste ishte edhe themeluesi i “Fundjavë Ndryshe”, Arbër Hajdari.
Këto dy zonja kanë marrë nga një buqetë me lule, e ndërsa festimi me miqtë e zemrës ishte një dhuratë edhe më speciale sesa ajo materiale.
Fatkeqësisht, me rritjen e emigracionit është rritur me hapa të mëdhenj edhe numri i të moshuarve që kanë familje, kanë fëmijë, kanë shtëpi, por që kanë mbetur të vetmuar dhe janë të paaftë për vetshërbim.
Shërbimet e ofruara në shtëpinë e të moshuarve janë; Trajtim psiko- social, shërbim mjekësor dhe programe për higjienën.
