Kryeministri Edi Rama përmes një postimi në Facebook, ka reaguar në kuadër të Ditës Ndërkombëtare të Zjarrfikësve.
“Nderim zjarrfikësve me këtë tekst dhe fotoalbum të postuar nga DPSHTRR”, shkruan Rama.
Postimi i plotë i tij: “NDERIM ZJARRFIKËSVE me këtë tekst dhe fotoalbum të postuar nga DPSHTRR:
4 Maji, është Dita Ndërkombëtare e Zjarrfikësve dhe gjejmë rastin të falenderojmë të gjithë zjarrëfikësit shqiptarë për punën dhe sakrificat që bëjnë për t’iu ardhur në ndihmë çdo qytetari a komuniteti në nevojë, sidomos gjatë kësaj periudhe sfiduese të emergjencës COVID19!👏👏🙏
Zjarrëfikësja ZIS 150, me patentë sovjetike, prodhuar me licensë të ZIS në Kinë me emrin Jieng Fang CA10 prej vitit 1965! 🚒 Në Shqipëri i shërbeu Ushtrisë nga viti 1967.👨🏼🚒 Mjeti RETRO ka impiante origjinale dhe u restaurua nga Mehdi Halilaj (dhe ekipi i tij) për koleksionin RON & Koleksionin e parë Zyrtar Shqiptar RETRO!
Vite punë, orë pune pa fund për t’ja rikthyer publikut siç ka qenë në ditën e parë kur ka dalë në shërbim! Investim privat nga koleksionisti Arben Prrenjasi enkas për eventin N’Gaz, Nata Gala ®️etro dhe 20-vjetori i DPSHTRR!”
